भारतमा २९ हजार जना कोरोना संक्रमित, मृतकको सं‌ख्या ९३४ पुग्यो

काठमाडौं, १६ वैशाख । भारतमा कोरोना भाइरस (कोभिड–१९) बाट मृत्यु हुनेको संख्या नौ सय ३४ पुगेको छ । भारतको स्वास्थ्य मन्त्रालयले सार्वजनिक गरेको तथ्यांकअनुसार पछिल्लो २४ घण्टामा मात्र भारतमा थप ६२ जनाको मृत्यु भएको हो । साथै संक्रमितको संख्या पनि २९ हजार चार सय ३५ पुगेको छ ।

अघिल्लो दिनको तुलनामा भारत समग्र संक्रमितको संख्या पनि एक हजार ६ सयभन्दा धेरै बढेको हो । भारतको महाराष्ट्र कोरोना भाइरसको कारण सबैभन्दा प्रभावित बनेको छ । अहिलेसम्म महाराष्ट्रमा तीन सय ६९ जनाको मृत्यु भइसकेको छ भने आठ हजार पाँच सय ९० जना संक्रमित छन् । त्यस्तै गुजरातमा अहिलेसम्म एक सय ६२ जनाको मृत्यु भइसकेको छ । मध्यप्रदेशमा पनि एक सय १० जनाको मृत्यु भएको छ ।

भारतको उत्तर प्रदेशमा अहिलेसम्म एक हजार नौ सय ५५ जनामा यो भाइरसको संक्रमण देखिँदा ३१ जनाको मृत्यु भइसकेको छ । त्यस्तै बिहारमा तीन सय ४५ जनामा यो भाइरसको संक्रमण देखिएको छ भने दुई जनाको मृत्यु भएको छ । अहिलेसम्म भारतमा ६ हजार आठ सय ६९ संक्रमित निको भएर घर फर्किसकेका छन् ।

Related articles

भीआईपीमा कोरोना : डाक्टर र मन्त्रीदेखि उपराष्ट्रपतिसम्म

काठमाडौं ,३० फागुन । रोगले ठूलो-सानो, धनी-गरीब, बलियो-निर्धाे भन्दैन । फरक यत्ति हो कि हुने खानेले बढीभन्दा बढी पूर्वसतर्कता अपनाउन सक्छन् । कमजोर वर्गले चाहिँ भगवानको पुकार गर्नुको विकल्प हुन्न । कोरोनाको त्रास अहिले ‘राजादेखि रङ्क’सम्म फैलिएको छ । प्रकोप सुरु भएयता संसारभरका करिब ५ हजार जनाको मृत्यु भएको छ भने लाखौं व्यक्तिहरु यसबाट प्रभावित […]

नवलपुरमा महोत्सवको धन्दाः एउटा नसकिदै, अर्को तयारी

परासी, २३ पुस, । पूर्वी नवलपरासीमा अहिले महोत्सवको धन्दा नै चलेको छ । मध्यविन्दु उद्योग वाणिज्य संघले अरुणखोलामा आयोजना गरेको महोत्सव सोमबार सकिएको छ । अहिले अन्य तीन स्थानमा महोत्सवको तयारी गरिएको छ । मध्यविन्दु महोत्सव सकिएसँगै दुईवटा व्यापारिक महोत्सव र एउटा पर्वसँग सम्बन्धित सांस्कृतिक महोत्सवको तयारी गरिएको छ । महोत्सवको होडबाजी चलिरहँदा मध्यविन्दु उद्योग वाणिज्य […]