सातौं पटक मुख्यमन्त्री बने नितिश कुमार

काठमाडौ, १ मंसिर। राजनीतिमा एउटा भनाइ प्रचलित छ, जसको जति संख्या भारी, उसलाई त्यति नै हिस्सेदारी । विहार विधानसभामा सबैभन्दा धेरै सिट गुमाएका जनता दल युनाइटेडका नितिश कुमारका हकमा भने यो लागू भएन । अघिल्लो पटक ७१ सिट जितेको उनको पार्टीले यो पटक २८ सिट गुमायो र ४३ सिटसहित तेस्रो दल मात्र बन्यो ।

राष्ट्रिय जनता दल ७५ सिटसहित पहिलो रभारतीय जनता पार्टी -भाजपा) ७१ सिटसहित दोस्रो दल बन्यो । भाजपाले अघिल्लो चुनावभन्दा २१ सिट बढी जितेको हो । भाजपाले एनडीए गठबन्धनको संसदीय दलको नेतामा नितिशकुमारलाई नै समर्थन गरेर मुख्यमन्त्रीका लागि सहज बनायो । नितिशकुमारले सोमबार सपथ लिएका छन् ।
नितिशको पार्टीले मुख्यमन्त्रीसहित ६ मन्त्री र भाजपाका सात मन्त्रीले सपथ लिएका छन् । वीआईपी र हमका एकएक मन्त्री छन् ।

विधानसभाको सबैभन्दा ठूलो दल प्रमुुख विपक्षी बनेको छ राष्ट्रिय जनता दलका नेता तेजश्वी यादवले नितिशकुमारलाई बधाई दिँदै मनोनित मुख्यमन्त्री भनेका छन् । राजनीतिक विश्लेषकहरुले पनि नितिश कुमारको यो कार्यकाल उनको राजनीतिक जीवनकै सबभन्दा चुनौतीपूर्ण हुनेछ । कतिपयले भने अब बिहारले बदलिएको नितिश कुमार देख्ने बताएका छन् । किनकी अब उसले सरकार चलाउने तरिका फेर्नुपर्छ ।

सुशील मोदी नहुनु उनका लागि सबभन्दा ठूलो चुनौती हुनेछ । सुशील मोदीलाई मिस गर्नुहुन्छ ? सपथपछि सोधिएको प्रश्नमा उनले भनेका छन्, ‘यस ।’ सत्ता साझेदारी भारतीय जनता पार्टीका तर्फबाट तारकिशोर प्रसाद र रेणुदेवीले मन्त्री पदको सपथ लिएका छन् । उनीहरु दुबैलाई उपमुख्यमन्त्री समते बनाउने सम्भावना रहेको बताइन्छ ।

Related articles

इथियोपियामा उडेको ६ मिनेटमै विमान दुर्घटना, १५७ जनाको मृत्यु

काठमाडौं, २६ फागुन । इथियोपियामा विमान दुर्घटना हुँदा त्यसमा सवार सबै १५७ जनाको मृत्यु भएको इथियोपियन एयरलाइन्सले जनाएको छ ।  इथियोपियाको राजधानी एडिस अबाबाबाट केन्याको नैरोवीतर्फ जाँदै गरेको जेट विमान उडेको ६ मिनेटमै दुर्घटनामा परेको थियो । विमानमा १ सय ४९ जना यात्रु र चालक दलका ८ जना सदस्य रहेका थिए । इथियोपियन एयरलाइन्सले विमानमा विभिन्न […]

यमनमा भिषण हवाई हमला, ५० भन्दा बढी बन्दीहरु मारिए

एजेन्सी,१५ भदौ । साना– यमनको धमार प्रान्तमा गएराति भएको साउदी हवाई कारबाहीमा कम्तीमा ५० जना युद्धबन्दी मारिएको हुथी–नियन्त्रित स्वास्थ्य मन्त्रालयले जनाएको छ । मन्त्रालयले साउदी अरेबियाको गठबन्धनले युद्धबन्दी राखिएको कारागारमा कम्तीमा सात पटक हवाई कारबाही गरिएको जनाएको छ । यसक्रममा ५० जना मारिएका र १०० भन्दा बढी घाइते भएका छन् । मन्त्रालयले घटनास्थलमा पुरिएका, मृतक […]