कृषि विधेयकविरुद्ध भारतमा चक्काजाम

एजेन्सी, ९ असाेज । भारतको संसदको दुबै सदनबाट पारित कृषि विधेयकविरुद्ध शुक्रबार किसान संगठनले भारतभरी चक्काजामको आह्वान गरेका छन् ।

सरकारले यी विधेयकलाई किसानको हितैषी बताउँदै यसले किसानको आय बढ्ने र बजार उनको उत्पादनका लागि खुल्ने जानकारी दिएको छ ।

 यस्तै किसान संगठनले यो विधेयक कृषि क्षेत्रलाई व्यापारीको हातमा सुम्पिने कोसिसको हिस्सा भएको बताएको छ ।

यी विधेयकविरुद्ध सबैभन्दा व्यापक प्रदर्शन पंजाब र हरियाणामा भइरहेको छ ।

पंजाबमा त बिहिबार नै रेल रोक भन्ने अभियान चलाइएको छ ।

 किसान संगठनका अनुसार शुक्रबार पूरा देशभरी यी विधेयकविरुद्ध प्रदर्शन हुनेछ ।

 भारतीय किसान युनियन (बिकेयू) ले उत्तर प्रदेशमा शुक्रबार चक्का जाम गर्ने तयारी गरिरहेको छ ।

 बिकेयूसँग सम्बन्धित किसान नेता धर्मेन्द्र सिंहले पश्चिमी उत्तर प्रदेशका सबै जिल्लामा शुक्रबार बिहान १० बजेदेखि बेलुका चार बजेसम्म चक्का जाम गरिने जानकारी दिए ।

यस्तै किसान संगठनका संगठन अखिल भारतीय किसान आन्दोलन समन्वय समितिले शुक्रबार देशभरी पूर्ण बन्द आह्वान गरेको छ ।

 यो समितिमा भारतका १२ किसान संगठन समावेश छन् र यी कुनै राजनीतिक दलसँग सम्बन्धित छैनन् । यूपी, मध्य प्रदेश, कर्नाटक, तमिनाडु, पंजाब र हरियाणामा यी संगठनको व्यापक उपस्थिती छ ।

Related articles

नेपाल-भारत सिमा खोल्न माग गर्दै नवलपरासीमा बिरोध प्रदर्शन

परासी, २० नेपाल-भारत सिमाबन्दीको विरुद्धमा नवलपरासीमा बिरोध प्रदर्शन भएको छ। कोभिड-१९को नाममा सरकारले लम्ब्याउदै गएको सिमा बन्दलाई तत्काल खोल्न माग गर्दै जनता समाजवादी पार्टी नवलपरासीले बिरोध प्रदर्शन गरेको हो। कोभीड-१९ को संक्रमण रोकथामका लागि बिगत १० महिनादेखी बन्द गरिएको नेपाल भारत सिमा तत्काल खुलाउन जसपा नवलपरासीले माग गरेको हो। सिमा खुलाउन सरकारलाई दबाब दिन पार्टीले […]

खोलाबाट अबैध उत्खनन गरिरहेको १९ वटा ट्र्याक्टर प्रहरीको नियन्त्रणमा

परासी, २२ पुस। पुर्वी नवलपरासीको खोलाबाट अबैध उत्खनन गरिरहेको १९ वटा ट्रयाकटरलाई प्रहरीले नियन्त्रणमा लिएको छ। प्रहरीले अवैध चोरीनिकासीमा संलगन ट्याक्टरहरु नियन्त्रणमा लिएर आवश्यक कारबाहिकालागि सम्बन्धीत स्थानिय तहमा बुझाउने गरे पनि चोरीका घटनामा कमी आउन सकेको छैन । मंगलबार मात्र जिल्ला प्रहरी कार्यालय नवलपरासी बर्दघाट सुस्ता पुर्वबाट खटिएको प्रहरी टोली, प्रहरी चौकी तम्सरीया र अस्थायी […]