परासी, २२ भदौ । सिद्धार्थनगर–७, भैरहवामा अवस्थित माखनभोग स्वीट्स एण्ड बेकरी उद्योगले नवलपरासीको रामग्राम नगरपालिका–३ स्थित परासीमा पनि आफ्नो सेवा शुभारम्भ गरेको छ । माखनभोगले आफ्नो शाखाको रुपमा सुनवल रोड, परासीमा सेवा शुभारम्भ गरेको हो ।
११ वर्षको अपार सफलता पछि ग्राहकहरुको स्वादलाई ध्यानमा राखी नयाँ व्यवस्थापनका साथ परासीमा सेवा शुभारम्भ गरिएको माखनभोग स्वीट्सका सञ्चालक सुदिश महासेठले बताए । प्रतिष्ठानमा शुद्ध घ्युबाट निर्मित मिठाइका परिकार, विवाह, वर्थ–डेमा क्याटरिङ्गको व्यवस्था, शुद्ध शाकाहारी परिकार, स्वच्छ, शान्त तथा पारिवारिक वातावरण, वर्थ–डे केक, पिजा र आइसक्रिम, खाना र नास्ताको व्यवस्था रहेको महासेठले जानकारी दिए ।
प्रतिष्ठानको बिहीबार रुपन्देही क्षेत्र नम्बर ३(१) का प्रदेशसभा सदस्य सन्तोष कुमार पाण्डेय र नवलपरासी क्षेत्र नम्बर २(२) का प्रदेशसभा सदस्य बैजनाथ जैसवालले संयुक्त रुपमा उद्घाटन गरे ।