परासी, ३० भदौ । पुल भासिएर गत भदौ ११ गतेबाट अबरुद्ध रहेको बुटवल नारायण सडक खण्ड अन्तर्गत पश्चिम नवलपरासीको सुनवल स्थित तुरिया खोला पुलमा बेलीबृज तयार गरी गरी आजबाट सवारी आवागन सुचारु भएको छ ।
बाढीका कारण पुल भासिदा गत भदौ ११ गतेबाट उक्त पुलबाट यातायात आवागमन अबरुद्ध रहदै आएको थियो । सडक डिभिजन कार्यालय बुटवलका अनुसार पुलको माथी बेलीबृज तयार गरी बेलीबृज मार्फत यातायात आवागमन सुरु गरिएको हो ।
तत्कालका लागी बस कार जिप लगायतका २० टन सम्मका सवारी साधन एकपटकमा एउटा मात्र आवागमन हुने गरी यातायात आवागमन सुचारु गरिएको सडक डिभिजन कार्यालय बुटवलका प्रमुख जयलाल मरासिनीले जानकारी दिनुभयो ।