क्रान्तिकारी माओवादीद्वारा एम.सी.सी खारेजीको माग गर्दै सिडियो मार्फत प्रधानमन्त्री लाई ज्ञापन

परासी २७ भाद्र । मोहन वैद्य किरण नेतृत्वको नेकपा(क्रान्तिकारी माओवादी ) पश्चिम नवलपरासीले एम.सी.सी सम्झौता खारेजीको माग गर्दै जिल्ला प्रशासन कार्यालय पश्चिम नवलपरासीमार्फत प्रधानमन्त्री शेर बहादुर देउवालाई ज्ञापनपत्र बुझाएको छ ।

आइतबार सो पार्टीका प्रदेश सदस्य एवं कार्यबाहक जिल्ला सेक्रेटरी क्षेत्र बहादुर थापा क्षेत्रीको नेतृत्वमा नाराबाजी सहित जिल्ला प्रशासनमा पुगेको टोलिले एम.सी.सी. खारेजी सहित १३ बुदे माग राख्दै ज्ञापन पत्र बुझाएको हो ।

बर्दघाटबाट मोटरसाइकल र्याली गर्दै परासी पुगेका क्रान्तिकारी माओवादीका नेता कार्यकर्ताले जिल्ला प्रशासन कार्यालयको गेट अगाडी एम.सी.सी चाहिदैन ! देश बेच्न पाइदैन !! दलालहरु होसियार !! लगायतका नाराबाजी गरेका थिए । एक घन्टाको नाराबाजी र धर्ना कार्यक्रममा पछि प्रमुख जिल्ला अधिकारी धर्मेन्द्र मिश्रलाई कार्यालय परिसरमा ज्ञापनपत्र बुझाएका हुन ।

ज्ञापनपत्र क्रान्तिकारी माओवादीका का.वा. सेक्रेटरी थापाले प्रस्तुत गर्नु भएको थियो भने उक्त कार्यक्रमको संचालन नेकपा क्रान्तिकारी माओवादी जिल्ला सचिवालय सदस्य चुडामणि भण्डारीले गर्नु भएको थियो । ज्ञापन पत्र बुझेपछि प्रमुख जिल्ला अधिकारी मिश्रले रास्ट्रिय मुद्दालाई नीति निर्माण तहमा र स्थानीय समस्यालाई कार्यालयको तह बाट समाधान गर्ने प्रतिबद्धता जनाउनुभयो ।

ज्ञापनपत्रमा रास्ट्रियता ; जनतन्त्र र जनजिबिका सम्बन्धि मागहरु समेटिएका छन । जय सि धामीको हत्यारालाई कार्वाही गर्न सरकारले कुटनैतिक पहल गर्नुपर्ने; स्थानीय तह; प्रदेश र सङ्घस्तरमा भएका भ्रष्टाचार माथी छानबिन गरेर सम्लग्नलाई कारवाही गर्नु पर्ने ; हत्या हिंसा बलात्कार विरुद्ध कडा रुपमा सरकार लाग्नु पर्ने ; महङ्गि; कालोबजारी; दलाली ; घुसखोरी सुदखोरि कमिशनखोरि विरुद्ध कारबाही गर्नुपर्ने ;किसानलाइ समयमै मल बीउ र उत्पादनको बजारीकरणको ब्यवस्था हुनु पर्ने ज्ञापनपत्रमा उल्लेख्य छ ।

त्यस्तै क्रान्तिकारी माओवादीको ज्ञापनमा उखु किसानका बक्यौता नतिर्ने ब्यापारीलाई कडा कारबाही गर्न समेत माग गरिएको छ । ज्ञापनपत्रमा सबै जनतालाई कोरोनाको खोपको शिघ्र ब्यवस्था गरियोस;साना तथा मझौला उधोगी ब्यवसायिलाई कोरोना कहरको राहत प्याकेज ब्यवस्थापन गरियोस ; शिक्षा र स्वास्थ्यमा भएको माफियाकरणको अन्त्य ;युवालाई रोजगारी एवं स्वरोजगारी सिर्जना गर्ने माग गरिएको छ ।

ज्ञापनपत्र पत्रमा लिम्पियाधुरा; लिपुलेख; कालापानी र सुस्तालगायतको सिमाको अतिक्रमित भुमी फिर्ता गर्नुपर्ने ; कालापानी क्षेत्रका बासिन्दालाइ जनजिबिकाको ख्याल गर्दै विशेष सहयोग गर्न र सो क्षेत्रमा जनगणना गर्न माग गरिएको छ ।

Related articles

सुस्ताका किसानहरुले बल्ल पाए क्षतिपूर्ति 

सुस्ता, २९ भदाै । गत बर्ष लगातार बर्षाको कारणले बालीनालिको डुबान परेका पश्चिम नवलपरासी सुस्ता गाउँपालिकाको वार्ड न १ र २ का बालीनाली डुबान पीडित किसानहरुलाई क्षतिपूर्तिको रकम १ करोड २५ लाख ९३ हजार ८ सय २० रुपैया बराबरको रकम निकासा भएको छ । गत वर्ष लगातार बर्षाको कारणले पानीको निकास नभएको हुदा करिब ३०० सय […]

बिद्दार्थीलाई सजाय दिने शिक्षिका बर्खास्त

नवलपुर, २९ कार्तिक । पुर्वी नवलपरासीकाे देवचुली नगरपालिकाको नवल बोडिङ्ग स्कुलमा गृहकार्य नगरेको भन्दै ५ जना विद्दार्थीलाई ५सय पटक उठबस गराउने शिक्षिका विद्दा चापागाईलाई विद्दालयले बर्खास्त गरेको छ । शिक्षिका चापागाईले गत कार्तिक १८ गते गृहकार्य नगरेको भन्दै विद्दार्थीलाई ५ सय पटक उठबस गराएको भए पनि घटना भन्ने बल्ल बाहिर सार्वजनिक भएको हो ।घटनालाई सञ्चार माध्यमले सार्वजनिक […]