युनाइटेड मिसन टु नेपालद्वारा सरावलकाे मधवलियामा १४८ घर परिवारलाई राहत बितरण

परासी ,२२ भदौ । पlश्चिम नवलपरासीकाे सरावल गाउँपालिका वडा नम्बर ६ मधवलियामा बाढी प्रभावित घर परिवारलाई राहत बितरण गरिएको छ ।

युनाइटेड मिसन टु नेपाल नवलपरासी कष्टकरद्वारा अबिरल बर्षाकाे कारण सरावल गाउँपालिका वडा नं. ६ मधवलियाका डुबानमा परी खेतबारी नष्ट भएको र बाढी प्रभावित बिपन्न १४८ जना घर परिवारलाई राहत प्रदान गरिएको हाे ।

बाढी प्रभावित परिवारलाई २५ किलो चामल ,३ किलाे दाल , २ लिटर खानेतेल , तेल २ लिटर ,चिनि २ किलो , स्वाबिन १ किलाे ,२ प्याकेट अायाेडिन नुन ,लाइफबाेए साबुन २ वटा,कपडा धुने साबुन २ वटा ,अालु ५ किलो,पियाज ३ किलो,३ किलाे चना,१ प्याकेट बेसार ,मसला १ प्याकेट लगाएतकाे दैनिक उपभोग्य सामाग्रीहरु प्रती घर परिवारलाई प्रदान गरिएको युनाइटेड मिसन टु नेपालको नवलपरासी कलष्टर टिम लिडर सब्बु तमाङले जानकारी दिनुभएको हाे। मधवलियाका बाढी प्रभावित सबै परिवारलाई पुग्ने गरी राहत वितरण गरिएको बताउनुभयो ।

राहत वितरण कार्यक्रम बाेल्दै जिल्ला समन्वय समिति प्रमुख शिव शंकर रायले युनाइटेड मिसन टु नेपालले नवलपरासीमा उत्कृष्ट काम गरिएको बताउदै यसले गरेको कामप्रति लक्षित वर्ग प्रत्यक्ष रुपमा लाभान्वित भएको बताउनु भएको हाे । काेराेना देखि बाढी प्रभावितलाई धेरै सहयोग गरेको बताउदै युनाइटेड मिसन टु नेपाल जनताकाे दुखमा साथ दि रहेको कामकाे प्रशंसा ब्यक्त गर्नुभएको हाे। राहतबाट केही दिनको समस्या समाधान हुने बताउदै युनाइटेड मिसन टु नेपाल नवलपरासी कष्टकरको सहयोगमा यस्तो विषम परिस्थितिमा राहत बितरण कार्यकाे प्रशांसा ब्यक्त गर्दै धन्यवाद दिनुभएको हाे ।

त्यस्तै सरावल गाउँपालिका अध्यक्ष राधेश्याम चाैधरीले मधवलियाका बाढी प्रभाबित परिवारलाई सुरुमा राहत बितरण गरिएको बताउनु भएको हाे ।अन्य टाेलमा पालिका र संघ संस्थाकाे समन्वयमा वितरण तयारी गरिरहेकाे बताउदै कसैलाई पनि प्राकृतिक बिपत्तिको सामना गर्न नपरोस् भन्दै विपदकाे समयमा युनाइटेड मिसन टु नेपालले गरेको मानविय कामकाे प्रशंसा समेत गर्नुभएको हाे।

राहत बितरणमा जिल्ला समन्वय समिति उपसंयाेजक अबदुल रहमान चुरीहार,वडा नम्बर ६ वडा अध्यक्ष कैलास यादव ,समाजसेवी बिनाेद कुमार पाण्डेय,युनाइटेड मिसन टु नेपालको बालकृष्ण पाण्डेय , इश्वर केसि. तेज गैरे लगाएत पत्रकार ,सुरक्षाकर्मीहरुकाे सहभागीतामा राहत बितरण गरिएको हाे ।

स्थानीयले राहत सामग्री पाएपछि खुसि ब्यक्त गर्दै पाएकाे राहतबाट केही दिन छाँक टार्न सहज भएको भन्दै खुशी ब्यक्त गरेका हुन ।

Related articles

सरावल २ मा राेग प्रतिरोधात्मक क्षमता बढाउन होमियोप्याथी औषधि वितरण

परासी ,२९ साउन। नवलपरासीको सरावल गाउँपालिका वडा नं. २ का विभिन्न टाेलमा राेग प्रतिराेधात्मक क्षमता बृद्धि गर्ने हाेमियाे प्याथिक अाैषधि निशुल्क बितरण कार्य सुरु गरिएको छ । मरवाडी सेवा समिति काठमाडौंकाे साैजन्यमा तथा सरावल गाउँपालिका वडा नं. २ काे अायाेजनामा वडा नं. २ का कार्यबाहक अध्यक्ष बिजय गुप्ताकाे अध्यक्षतामा “आर्सेनिक अल्वम ३० सी ” नामक […]

नेपाल उवा महासंघद्धारा जिल्लाका पत्रकारलाई मास्क

परासी, २४ चैत ः नेपाल उद्योग वाणिज्य महासंघ प्रदेश ५ ले नेपाल पत्रकार महासंघ पश्चिम नवलपरासी जिल्ला शाखालाई ३ सय थान सर्जिकल मास्क उपलब्ध गराएको छ । समाचार संकलनका क्रममा फिल्डमा खटिने पत्रकारहरुलाई वितरण गर्ने गरी सोमबार महासंघका प्रदेश ५ अध्यक्ष गुणनिधि तिवारीले जिल्ला शाखा अध्यक्ष हरि शर्मालाई मास्क हस्तान्तरण गरेका हुन् । कोरोना संक्रमणविरुद्धको […]