नवलपरासीमा प्रहरीद्धारा ७८ लाखको ५९५ थान मोबाईल बरामद

परासी, २२ साउन । नवलपुर प्रहरीले गएराती ७८ लाख मुल्य बराबरको विभिन्न ब्राण्डका मोबाईलहरु बरामद गरेको छ । ईलाका प्रहरी कार्यालय दुम्किबासले, गएराती भन्सार छलेर ७८ लाख मुल्य बराबरको ५९५ थान ठुला मोबाईलहरु ल्याउदै गरेको अवस्थामा मोबाईल बरामद गर्दै ओसारपासर कर्ता दुई जनालाई पनि पक्राउ गरेको हो ।

गएराती ११ बजेको समयमा प्रहरीले जिल्लाको बिनयी त्रिवेणी गाउँपालिका वडा १ स्थित राजमार्गमा प्रदेश ३– ०१– ०२३– च –५५४४ नम्बरको कारलाई रोकी चेकजाँच गर्ने क्रममा कारमा लुकाई राखिएको ५९५ थान मोबाईलहरु बरामद गरेपछि प्रहरीले कार सहित मोबाईल ओसार्ने दुई जनालाई पनि नियन्त्रणमा लिईएको जिल्ला प्रहरी कार्यालय नवलपुरले जनाएको छ ।

भन्सार छलेर नारायणघाट जस्ता ठुला बजारमा पु¥याउन लगिएको बरामद मोबाईलहरु विभिन्न ब्राण्डका रहेको र बजार मुल्य ७८ लाख पर्ने प्रहरी नायब उपरिक्षक दिलिप कुमार गिरीले जानकारी दिनु भयो । डिएसपी गिरीका अनुसार अवैध मोबाईल र कार सहित पक्राउ पर्ने व्यक्ति चितवन जिल्ला भरतपुर महानगरपालिका वडा नं ८ बस्ने अर्जुन ढकाल र भरतपुर २१ बस्ने ईन्द्रलाल श्रेष्ठलाई रहेको जानकारी दिनु भयो ।
बरामद मोबाईल, कार र व्यक्तिहरुलाई आवश्यक कार्वाहीको लागि महेसपुर भन्सार कार्यालय पठाइएको प्रहरीले जनाएको छ ।

पछिल्लो समय नवलपरासीको नाकाबाट भन्सार छली अवैध रुपमा मालसमानको ओासरसार बढन थालेपनि नवलपुर प्रहरीले चेकजाँचमा कडाई पारेको छ ।

Related articles

सुनवल नगरपालिका नेपालकै पहिलो बालमैत्री स्थानिय तह घोष्णा

परासी, ३ भदौ । सुनवल नगरपालिका नेपालकै पहिलो बालमैत्री स्थानिय तह घोष्णा भएको छ । नगर प्रमुख भिम बहादुर थापाक्षेत्रीको अध्यक्षतामा भएको बालमैत्री नगर घोष्णा समारोह बिच प्रदेश ५ का मुख्यमन्त्री शंकर पोख्रेलले आईतबार एक भव्य समारोह बिच नगरपालिकालाई नेपालकै पहिलो बालमैत्री स्थानिय शासन नगर घोष्णा गरेका हुन् । सुनवल नगरपालिकाको वार्ड नम्बर १२ भुमहीमा […]

रिहाईको आदेशपछि अदालतको गेटैमा समातिए विप्लव नेकपाका नेता

बुटवल, १४ माघ । विप्लव नेतृत्वको नेपाल कम्युनिष्ट पार्टीका नेताहरूलाई बुटवलस्थित उच्च अदालतले रिहाईको आदेश दिएपनि प्रहरीले अदालतको गेटबाटै पुन: गिरफ्तार गरेको छ । नेताद्वय बालकृष्ण शर्मा र प्रदिप बहादुर वलीलाई प्रहरीले उच्च अदालत तुलसीपुर बुटवल इजलासको गेटबाट पुन: पक्राउ गरेको हो । दाङमा असोज २९ गते समातिएका २१ जना विप्लवका नेतामध्ये २ जनालाई माघ […]