राष्ट्रघात, महङ्गी र भष्ट्राचारको बिरुद्धमा जनप्रर्दशन : एमसीसी सम्झौता खारेज गर्न माग

परासी २० साउन । पश्चिम नवलपरासीको बर्दघाटमा राष्ट्रघात – जनघात– महङगी र भष्ट्राचारको बिरुद्धमा प्रर्दशन गरिएको छ । भारतीय सिमा सुरक्षा बल (एसएसबी) महाकाली नदीको तुइन काटदाँ भएको घटना र अमेरिकी मिलेनियम च्यालेन्ज कर्पाेरेसन ( एमसीसी) सम्झौताको बिरुद्ध तथा बढदो महंगी र भष्ट्रचारको बिरोधमा मंगलवार बैद्य माओवादीको अगुवाईमा प्रर्दशन गरिएको हो ।

मोहन बैद्य किरण नेतृत्वको नेकपा (क्रान्तिकारी माओवादी) जिल्ला समिति पश्चिम नवलपरासीको आयोजनामा भएको कार्यक्रममा बोल्ने बक्ताहरुले राष्ट्रियता जनतन्त्र र जनजिविका पक्षमा नागरिक आन्दोलन आवश्यक भएको बताए ।

दार्चुलामा भारतीय एसएसबीले तुइन काटेर नेपाली नागरिक जयसिंह धामीको हत्या गरेको र अमेरिकी मिलेनियम च्यालेन्ज कम्प्याक्ट (एमसीसी) सम्झौता अमेरिकी सैन्य कार्यक्रम रहेको भन्दै बैद्य माओवादीले बिरोध कार्यक्रम गरेको हो ।

प्रर्दशनकारीले एमसीसी सम्झौता खारेज गर , राष्ट्रिय स्वाधीनताको रक्षा गरौ , भारतीय हस्तक्षेप बन्द गर , अमेरिकी साम्राज्यवाद मुर्दावाद, जयसिंह धामीको हत्यारालाई कारवाही गर जस्ता नारालगाउदै बर्दघाटको मुख्यबजार क्षेत्र परिक्रमा गरेर पुरानोचौकी नजिक कोणसभा गरेका थिए । प्लेकार्ड सहित उत्रिएका प्रर्दशनकारीले स्थानीय रुपमा भुमाफियाले सार्वजनिक जग्गा हडप्न खोजेको भन्दै भुमाफिया मुर्दावाद, सार्वजनिक जग्गा संरक्षण गर जस्ता नारावाजी गरेका थिए ।

सभामा क्रान्तिकारी माओवादीका पोलिटब्युरो सदस्य तथा लुम्बिनी प्रदेश ईञ्चार्ज प्रेम सुवेदीले संसदीय ब्यवस्थाले राष्ट्रघात जनघात गर्दै अगाडि बढेकोले सच्चा देशभक्तहरु एकीकृत हुनुपर्ने बताउनुभयो । उहाँले दुई सय प्रतिशत सम्म मंहगी बृद्धि भएको बताउदै भष्ट्रचार नभएको निकाय पाउनै गाह्रो भएको बताउनुभयो ।

सोही पार्टीका अर्का पोलिटब्युरो सदस्य तथा प्रदेश सचिव भुपेन्द्र न्यौपानेले भारतीय विस्तारवादको ज्यादती र अमेरिकी साम्राज्यवादले ल्याएको एमसीसी बिरुद्ध लडनका लागि दुवै मिसन बुझ्न आवश्यक रहेको बताउनुभयो ।

कार्यक्रममा राष्ट्रिय स्वाधीनताका लागि नागरिक आन्दोलनका अध्यक्ष तथा अधिबक्ता पदम कार्कीले एमसीसी इन्डो प्यासिफिक सैन्य रणनीति अन्तरगत रहेको उल्लेख गर्दै राष्ट्र बचाउन सबै नागरिक एकताबद्ध हुनुपर्नेमा जोड दिनुभयो । कार्यक्रममा अखिल नेपाल राष्ट्रिय शिक्षक संगठनका प्रदेश संयोजक क्षेत्रबहादु्र थापाले हरेक क्षेत्रमा माफियाकरण भएको उल्लेख गर्दै बिकृति बिसंगतिका बिरुद्ध सचेत नागरिक आन्दोलन आवश्यक रहेको बताउनुभयो ।

त्यस्तै कार्यक्रममा नेकपा क्रान्तिकारी माओवादीका प्रदेश सचिवालय सदस्य तथा जिल्ला सेक्रेटरी छविलाल खरेलले पार्टीले स्थानीय रुपमा समेत जनताको मुद्धा उठाउदै आएको जानकारी दिनुभयो । उहाँले जिल्लामा ब्याप्त बिकृति बिसंगतिका बिरुद्ध पार्टीले जनतासंग सहकार्य गर्दै अगाडि बढेको बताउनुभयो । खरेलले बर्दघाट क्षेत्रमा माफियाहरुको दबदबा चिर्न पार्टीले भुमाफियाहरुलाई कारवाही गर्न पछि नहटने चेतावनी दिनुभयो ।

त्यस्तै क्रान्तिकारी माओवादीका जिल्ला सचिवालय सदस्य तथा बर्दघाट नगर ईञ्चार्ज चुडामणी भण्डारीले ढुंगा गिटी बालुवा लगायत नदीजन्य पद्धार्थ दोहन हुदैं आएको बताउदै वन वातावरणको क्षेत्रमा समेत पाटीले अग्रसरता लिने उल्लेख गर्नुभयो । कार्यक्रममा क्रान्तिकारी माओवादी रुपन्देहीका सेक्रेटरी बिनोद मरासिनी , क्रान्तिकारी पत्रकार महासंघका केन्द्रीय कोषाध्यक्ष तथा लुम्बिनी प्रदेश संयोजक रवि पाण्डेय, अखिल नेपाल क्रान्तिकारी टे«ड युनियन महासंघका प्रदेश संयोजक राजु भुजेल ,अखिल क्रान्तिकारीमा मनोज थापालगायतको आतिथ्यता रहेको थियो ।

Related articles

नवलपुर जिल्ला समाज युकेद्वारा स्वास्थ्य सामाग्री हस्तान्तरण ।

नवलपुर, २० असोज । नवलपुर जिल्ला समाज युके र नेपाल रेडक्रस सोसाईटी नवलपुरद्वारा जिल्लाको पहाडी क्षेत्रका कोभिड प्रभावितहरुलाई स्वास्थ्य सामाग्री प्रदान गरेको छ । कार्यक्रम प्रमुख अतिथि तथा अस्ट्रेलियाका लागि नेपाली पुर्व राजदुत महेश दाहालले एक समारोह विच बौंदीकाली गाउंपालिकाका प्रमुख प्रशासीय अधिकृत प्रदिपचन्द्र सुवेदीलाई स्वास्थ्य सामाग्री हस्तान्तरण गरेका थिए । अक्समिटर, थर्ममिटर, पिपिई, फेसशिल, […]

लैङ्गिक हिंसा न्यूनीकरणमा विद्यार्थीको अहम भुमिका

परासी, २६ भदौ। राष्ट्रिय बाल दिवसको अवसरमा गाउपालिका स्तरीय लैङ्गिक हिंसा विभेद र यस्को न्यूनीकरणमा विद्यार्थीको भुमिका विषयक प्रतियोगिता सम्पन्न भएको छ। सहज परियोजनाको आयोजना तथा पाल्हीनन्दन गाउपालिकाको समन्वयमा राधाकृष्ण माबी बिस्नुपुरामा सो कार्यक्रम सम्पन्न भएको हो। विद्यालयको प्रअ रामाशन्कर त्रीपाठीको अध्यक्षता तथा गाउपालिका अध्यक्ष बैजु प्रसाद गुप्ताको प्रमुख आतिथ्यतामा सम्पन्न भएको उक्त कार्यक्रममा भिएसो, […]