सरावलमा कृषकलाई ५० प्रतिशत अनुदानमा कृषि उपकरण वितरण

परासी ,२५ जेष्ठ। पश्चिम नवलपरासीको सरावल गाउँपालिकामा कृषि उपकरण बितरण गरिएको छ ।

सरावल गाउँपालिकाद्धारा कृषकहरुलाई ५० प्रतिशत अनुदानमा कृषि उपकरण वितरण गरेको छ ।

किसानहरुलाई कृषि कार्य गर्न सहज र कृषि आधुनिकीकरण गर्नका लागि गाउँपालिकाले कृषि उपकरण वितरण गरेको हो ।

गाउँपालिकाको वार्षिक कार्यक्रम याेजना अन्तर्गत २२ थान पम्पसेट र ४५ थान मोटर वितरण गर्ने योजना अनुसार साेमवार पहिलो चरणमा ८ वटा पम्पसेट र २६ थान मोटर वितरण गरिएको
र बाँकी केही दिनमा थप उपकरण वितरण गरिने कृषि शाखा प्रमुख कुलदीप मिश्रले खबर पात्राे लाई जानकारी दिनुभएको हाे।

किसानहरुलाई कृषि क्षेत्रमा जागरुक र अात्मनिर्भर बनाउनका लागि कृषि गर्ने कृषकहरुलाई ५० प्रतिशत अनुदानमा कृषि उपकरण बितरण गरिएको बताउदै कृषि क्षेत्रलाई अाधुनिकरण र ब्यावसायिकरण तर्फ उन्मुख गर्न र बढि भन्दा बढि उत्पादनमूलक कृषि पकेट क्षेत्र बिकास गर्नकालागि कषि उपकरण वितरण गरिएकाे गाउँपालिका अध्यक्ष राधेश्याम चाैधरिले बताउनुभएको थियो ।

सरावल गाउँपालिकाकाे चालु अावकाे वार्षिक कार्यक्रमकाे याेजना अनुसार किसानहरुलाई कृषि उपकरणमा पचास प्रतिशत अनुदान र प्रदेश सरकारको मुख्यमन्त्री ग्रामीण विकास तथा रोजगार कार्यक्रम अन्तर्गतको पचास प्रतिशत अनुदानमा कृषकहरुलाई कृषि उपकरण वितरण गरिएको हाे।

Related articles

प्रहरीद्वारा केराउ र बिउ बरामद

परासी ८ साउन। नवलपरासी (बर्दघाट सुस्ता पश्चिम) सरावल गाउँपालिका वडा नं. ७ बुलन्दपुरलबाट प्रहरी १ लाख ४ हजार २ सय मूल्य बराबरको अबैध मटर (केराउ) र बोडिको बीउ प्रहरीले नियन्त्रणमा लिएको छ । बिहिवार दिउँसो नेपालबाट भारततर्फ अबैधरुपमा लग्दै गरेको २० बोरा मटर (केराउ) र ३४५ प्याकेट बोडिको बिउ प्रहरी चौकी महेशपुरले नियन्त्रणमा लिएको हो […]

सरावलका ७५ जना नेपाली कांग्रेसमा प्रवेश

परासी, २४ असोज । नवलपरासीको सरावल गाउँपालिका वडा नं.७ मा नेकपाका ७५ जना कार्यकर्ता नेपाली कांग्रेसमा प्रवेश गरेका छन् । कांग्रेस प्रवेश गर्नेमा पुर्व माअाेबादी वडा कमान्डर सहित ७५ जना रहेका छन् । कांग्रेस प्रवेश गरेका नेता–कार्यकर्ताले तीनै तहमा नेकपाको सरकार भए पनि नेताहरु जनताको पक्षमा भन्दा आफ्नो व्यक्तिगत फाइदाका लागि मात्रै काम गरेकाले आफूले […]