भियतनाममा भेटिएको ‘हाइब्रिड भेरियेन्ट’ हावाबाट सर्न सक्छ ?

बीबीसी, १८ जेठ । नयाँ कोभिड संक्रमणको फैलावट रोक्न भियतनाममा ठूलो स्तरमा तिव्र परीक्षण थालिएको छ । सामाजिक दूरी सम्बन्धी मापदण्ड पनि पुनः लागु गर्न लागिएको हो । धार्मिक कार्यक्रमले उत्पन्न गराएको नयाँ लहरको संक्रमणविरुद्ध यस्तो कडाइ अपनाउन लागिएको सरकारले जनाएको छ । 

भाइरस नियन्त्रणमा भियतनामलाई तुलनात्मक रुपमा सफल मानिँदै आएको छ । तर, पछिल्ला केही हप्ता त्यहाँ नयाँ संक्रमितहरु बढ्दै गएका छन् । यति मात्र नभएर अधिकारीहरुले नयाँ प्रकारको अत्याधिक खतरनाक ‘हाइब्रिड भेरियेन्ट’ पत्ता लागेकाबारे पनि चेतावनी दिइरहेका छन् । 

सरकारका अनुसार यो नयाँ भेरियेन्ट भारत र बेलायतमा उत्पन्न भेरियेन्टका गुणको मिलावट रहेको छ र सजिलैसँग हावाबाट सर्न सक्छ । 

भियतनाममा हालसम्म ७ हजारभन्दा बढी संक्रमण र ४७ जनाको कोभिडका काराण मृत्यु भएको रेकर्ड गरिएको छ । अहिले देखा परिरहेको नयाँ संक्रमणलाई भने हो–छि मिन सहरमा एक क्रिस्चियन मिसनसँग जोडिएको छ । त्यसमा सहभागी १२५ मा कोभिड पोजेटिभ पाइएको थियो । यसरी सो सहरको आसपासका क्षेत्रमा पनि अहिले परीक्षण भइरहेको छ र लकडाउनमा राखिएको छ । 

सरकारी निकायले प्रत्येक दिन १ लाख मानिसको परीक्षण गराउने बताइरहेका छन् र अहिलेका लागि जोखिममा रहेका समूहमा केन्द्रित रहने जानकारी दिएका हुन् । 

त्यस्तै सामाजिक दूरीको नियम पनि ३१ मे देखि १५ दिनसम्म कडा रुपमा लागु हुने बताइएको छ । पसल, रेस्टुरेन्टहरु बन्द गरिएका छन् भने धार्मिक कार्यक्रममाथि पनि प्रतिबन्ध लगाइसकिएको छ । 

सहरभरि १० जनाभन्दा धेरै सार्वजानिक रुपमा भेला हुन नपाउने भनिएको छ जसलाई बदलेर अझ पाँचजनामा सीमित गराउने सोच रहेको सरकारको भनाइ छ ।

यता, खोप अभियानलाई तिव्र सञ्चालन गर्ने सम्बन्धी पनि सरकार यतिबेला दबाबमा परेको छ । हालसम्म त्यहाँ १० लाख बढी अर्थात एक प्रतिशत जनसङ्ख्यालाई मात्र कम्तीमा एक डोज खोप लगाइएको छ । 

Related articles

कुवेतबाट आएका ९ जनालाई नेपाली सेनाले क्वारेन्टाईन पठायो

परासी, ३० जेठ । कालीध्वज गण परासीले कुबेतबाट आएका ९ जनालाई सम्बन्धित पालिकाको क्वारेन्टाईनमा पठाएको छ । पश्चिम नवलपरासीको परासी स्थित रहेको नेपाली सेनाको कालीध्वन गणले कुवेतबाट आएका ९ जना नेपाली कामदारलाई सामान्वय स्वास्थ्य परिक्षण गरि उनीहरुलाई सम्बन्धित गाउँ÷नगर पालिकालिकालाइ बुझाएको हो । सेनाले तेस्रो मुलकबाट आएकाहरुलाई सम्बन्धित पालिकाहरुको जिम्मा लगाउन नेपाली सेनाको जिम्मेवारीमा बर्दघाट […]

पत्रकार महासंघद्धारा विद्युतीय कारोबार ऐनको दफा ४७ र ४८ खारेज गर्न माग

परासी, ५ बैशाख । विद्युतीय कारोबार ऐनको दफा ४७ र ४८ खारेज गर्न माग गर्दै देशभरका पत्रकारहरु जिल्ला प्रशासन कार्यलयमा धर्ना दिएका छन् । विद्युतीय कारोबार ऐनको दफा ४७ र ४८ अन्तर्गत साईबर क्राईम भन्दै पत्रकारलाई पटकपटक पक्राउ गर्ने क्रम बढेको भन्दै नेपाल पत्रकार महासंघले घोष्णा गरेको देशव्यपापी धर्ना कार्यक्रम अन्तर्गत देशभरि संगै नवलपरासीका पत्रकारहरुले […]