सुस्ता झोलुङ्गे पुल नबन्दा सुस्ताबासीलाई सास्ती

परासी, २ चैत्र । सुस्ताको झोलुङ्गे पुल निर्माणमा ढिलाई हुँदा सुस्ताबासीहरु अझै पनि जोखिमपुर्ण डुङ्गा यात्रा गर्दै आएका छन् । पुल निर्माण कार्य समयमै सम्पन्न नहुँदा सुस्ताबासीहरु भारतीय बाटो प्रयोग गर्दा एसएसबीबाट विभिन्न यातना पनि खेप्दै आएका छन् । नारायणी नदी (गण्डक) ले घेरिएको सुस्ता भुमीबाट आफनै वडा एवं गाउँपालिका र त्रिवेणी बजार आउन जोखिमपुर्ण डुङ्गाा यात्रा गर्नु पर्ने बाध्यता छ रहेको छ भने बर्षाको समयमा भारतीय यातनाका बिचपनि भारती बाटोनै प्रयोग गर्न बाध्यात्मक अवस्था रहेको छ ।

नारायणी नदी पारी भारतको विहारसंग जोडिएको सुस्ताभुमी जिल्लाको सुस्ता गाउँपालिका वडा ५ को एक गाउँ हो । उक्त गाउँलाई वडा कार्यालाय, गाउँपालिका र सदरमुकाम संग जोडने गरि सरकारले ५ वर्ष अगाडी २०७२ सालमा झोलुङ्गे पुलको आयोजना दिएपनि ठेकेदारको चरम लापरवाहीले उक्त पुल निर्माण हुन सकेको छैन । वर्षाैदेखि भारतीय यातना खेप्दै र जोखिम पुर्ण डुङ्गाबाट यात्रा गर्दै आएका सुस्ताबासीको समस्या सामाधान गर्न सरकारले सुस्ता र पक्लिहवाँ गाउँ जोडन एसियाकै दोश्रो ठुलो झोलुङ्गे पुलको आयोजना दिएको थियो ।

त्रिसुली आश्रय जे.भी कन्सट्रक्शन कम्पनीले २०७४ सालमा (२९ महिनामा) सम्पन्न गर्ने गरि २७ करोड रुपैयामा उक्त ठेक्का लिएको छ । उक्त पुलको १ हजार ५ सय ७१ मिटर लम्बाई र डेढ (१.६) मिटर चौडाई रहेको छ । उक्त झोलुङ्गे पुल निर्माणमा ठेकदार कम्पनीले ढिलाई गर्दै ५ बर्षमा पनि अन्डर ग्राउण्डकै कार्यमा सिमित रहेको छ । ठेकदारले पुलको जग बनाउन कुल २ सय २० वटा पाईल धाँसिनु पर्नेमा ५ बर्ष लगाएर जम्मा २०० पाईल मात्र धाँसेको छ ।

झोलुङ्गे पुलका लागि नदीमा धाँसिने पाईलिङ्गमा ४ वटा ठुलो अग्लो पिलर ठढयाईने छ भने १० वटा सानो पिलर ठडयाई झेलुङ्गे पुल बाँधिने कार्य हुने छ । २ बर्षमा सन्पन्न गर्नु पर्ने योजना ठेकेदारले, चरम लापरवाही गर्दै म्याद थप्ने काम गर्ने र ५ बर्षसम्म पनि पाईलिङ्गकै काममा अल्झि अरु अरु कुनै काम नगरेको सुस्ता बचाउ अभियानका प्रवक्ता रबिन्द्र जयसवालले आरोप लगाउनु भयो ।

ठेकदार कम्पनी बर्षमा २÷३ महिना काम गर्ने अनि बर्षभरि विभिन्न बहाना गर्दै गायब हुने गरेको मछ । ठेकदार कम्पनीले कहिले लेबरको अभाव त कहिले पानीको उच्च बहाव देखाउदै काममा ढिलाई सुस्ती गर्दै आएको छ ।

यता पुललाई छिटो छरितो सम्पन्न गराउन सुस्ता गाउँपालिकाले चाँसो देखाएको छ । पुलको काम छोडी एक बर्ष फरार रहेको ठेकदार कम्पनीलाई सुस्ता गाउँपालिकाले सम्बन्धित निकायबाट दबाब दिलाई पुनः पुलको निर्माण कार्यमा लगाएको छ । गाउँपालिकाले पुलको नियमित निरिक्षण र आईपर्ने समस्याहरुको सामाधान गर्दै पुल निर्माणको कार्य छिटै सम्पन्न गराउन ठेकदार कम्पनीलाई ताकेदा गर्दै आएको छ ।

सुस्ता पुग्न एकमात्र नेपाली बाटो जोखिमपुर्ण डुङ्गा यात्रा हो । सुस्ताभुमी पुग्न नदीमा करिब ढाई (२.५) किलोमिटरको दुरी डुङ्गाले यात्रा तय गर्नु पर्दछ । उक्त यात्रा बाढाीको समयमा २ घण्टा र सुख्खा समयमा करिब १ घण्टा लाग्ने गर्दछ । वर्षाको बेला नदीमा उच्च बाढीका कारण नदीमा डुङ्गा चलाईदैन उता भारतको विहार बाटो हुदै आवत जावत गर्दा बाध्यता रहेको सुस्ता बचाउ अभियानका उपाध्यक्ष आदम खानले दुखेसो पोख्नु भयो ।

सुस्ताबासीहरुको मुख्य पेशा खेती र माछा मार्ने हो । ३ सय घरधुरी रहेको सुस्तामा खासगरि विपन्न परिवारका समुदायहरुको बसोबास बढि छ । करिब ४० हजार ९ सय ८० हेक्टेयर क्षेत्रफलमा फैलिएको उक्त सुस्ता भुमी बर्षौं देखिनै भारतीय पक्षद्धारा अतिक्रमण हुदै हाल १४ हजार ४ हेक्टेयर क्षेत्रफल अतिक्रमण भैसकेको छ र १९ हजार ५८० हेक्टर क्षेत्रफल भारतीय पक्षले विवादित भन्दै जोतभोगबाट रोक लगाएको छ ।

हाल सुस्ताबासीहरुको जोतभोगमा जम्मा ७ हजार हेक्टेयर क्षेत्रफल मात्र रहेको बताउछन् । सुस्तामा बाटोघाटो, खानेपानी, शिक्षा, स्वास्थ्य भौतिक पुर्वाधार समेतको समस्या वर्षौदेखि नै यस्तै छ । यसबर्षबाट सुस्तामा सोलारबाट बिजुलीको पहुँछ भएको छ भने अरु समस्या यथावत नै छन् ।

Related articles

कुर्थावल सडक ग्रावेलिङ्गमा अनियमितता : नाला निर्माणमा पुरानो ईट्टा प्रयोग गरि कुम्ल्याइयो बजेट

परासी, ८ भदौ । नवलपरासीको सरावल गाउपालिका ६ कुर्थावलमा भएको सडक ग्राभेलिङ्ग तथा नाला निर्माण कार्यमा अनियमितता भएको पाइएको छ । कच्ची सडकलाई ग्रावेलिङ्ग गरि दुबै साईडमा ढल निकास बनाउने कार्यमा व्यापक अनियमितता भएको स्थानियहरुले आरोप लगाएका हुन् । उपभोक्ता समितिले स्टिमेट अनुसार काम नगरि ४० मिटर बाटोमा ग्रावेल नखसालेको र ढल निर्माणमा ३ ट्रालि […]

प्रधानमन्त्री ओलीले देशलाई गृहयुद्धतर्फ धकेले : कृष्ण पहाडी

परासी, माघ १६ । मानव अधिकार तथा शान्ति समाजका संस्थापक एंव नागरिक समाजका अगुवा कृष्ण पहाडीले प्रधानमन्त्री केपी शर्मा ओलीले देशलाई गृहयुद्ध तर्फ धकलेको आरोप लगाउनु भएको छ । मानव अधिकार तथा शान्ति समाज पश्चिम नवलपरासीको २० औं साधारणसभाको शुक्रबार उद्घाटन गर्न भूमही पुग्नु भएका पहाडीले राज्य संयन्त्रको दुरुपयोग गरेर प्रधानमन्त्री ओलीले देशलाई गृहयुद्धतर्फ धकलेको […]