सात लाख नक्कली नोट सहित तीन जना पक्राउ

जनकपुरधाम, २७ कात्तिक । झण्डै ७ लाख नक्कली नेपाली नोटसहित सिराहाबाट तीन जना पक्राउ परेका छन् । जिल्लाको गोलबजार नगरपालिका-६ लामाटोलबाट बिहीबार दिउँसो ७ लाख नक्कली नोटसहित तीन जनालाई नियन्त्रणमा लिइएको सिराहा प्रहरीले जनाएको छ ।

पक्राउ पर्नेमा गोलबजार नगरपालिका-१२ बेतौनाका २५ वर्षीय धिरज यादव, २० वर्षीय सञ्जय राय र कल्याणपुर नगरपालिका-७ का २४ वर्षीय विमलेन्द्र नायक छन् ।

विशेष सूचनाको आधारमा इलाका प्रहरी कर्यालय गोलबजार र सशस्त्र प्रहरी बेस क्याम्प गोलबजारको संंयुक्त टोलीले उनीहरुको साथबाट ६ लाख ८४ हजार रुपैयाँको नक्कली नोट बरामद गरेको छ ।

यसमध्ये ३ लाख नक्कली नोट पूर्ण रुपमा तयारी अवस्थामा र ३ लाख ८४ हजार फोटोकपी कागजमा प्रिन्ट गरी राखिएको र काट्न बाँकी रहेको अवस्थामा बरामद भएको सिराहाका प्रहरी प्रबक्ता शालिग्राम शर्माले बताए ।

पक्राउ परेका तीनै जना गत असोज २१ गतेदेखि गोलबजार नगरपालिका-६ लामाटोलका वीरेन्द्र महतोको घर भाडामा लिएर बस्दै आएका थिए ।उनीहरुको कोठाबाट ३ थान मोबाइल, १ थान ल्यापटक, १ थान कलर प्रिन्टर र कागज काट्न प्रयोग गरिने चक्कु पनि फेला परेको छ । तीनै जनालाई नियन्त्रणमा लिएर थप अनुसन्धान सुरु गरिएको प्रहरीले जनाएको छ । @onlinekhabar.com

Related articles

एघार महिनामा ६६ किलो ४ सय ग्राम सुन बरामद

काठमाडौं, २ असार । २०७५ साउन १ गतेदेखि २०७६ जेठ मसान्तसम्ममा ६६ किलो चार सय ग्राम सुन बरामदगरिएको राजस्व अनुसन्धान विभागले जनाएको छ । यो समयमा राजस्व चुहावटको ८१ वटा कसुरमा अनुसन्धान गरि मुद्दा दायर गरिएको विभागका महानिर्देशक दीर्घराज मैनालीले बताए ।  यस अवधिमा राजस्व चुहावट कसुरमा २ सय ३८ जना व्यक्तिमाथि  १८ अर्ब ३२ […]

प्रहरीद्धारा ९ वटा मोटरसाईकल सहित ६ लाख ९० हजारको केराउ बरामद

प्रहरीले ९ वटा मोटरसाईकल सहित ६ लाख ९० हजार मुल्यबराबरको केराउ(मटर) बरामद गरेको छ । प्रहरीले जिल्लाको विभिन्न स्थानबाट ६ वटा भारतीय मोटरसाईकल र ६ लाख ९० हजार मुल्य बराबरको केराउ बरामद गरि आवश्यक कार्वाहीको लागि महेसपुर भन्सार कार्यायल पठाएको छ प्रहरीले जनाएको छ । जिल्लामा केराउको तस्करी बढेपछि प्रहरीले सक्रियता देखाउदै उक्ता मोटरसाईकल र […]