सुनवल नगर प्रमुख भरत थापाद्वारा पत्रकारलाई सेनिटाइजर र मास्क बितरण


परासी, १२ बैशाख ः नेपाल पत्रकार महासंघ जिल्ला शाखा पश्चिम नवलपरासीले जिल्लाका सञ्चारगृह र पत्रकारहरुलाई सेनिटाइजर र मास्क वितरण गरेको छ । सुनवल नगरपालिकाका प्रमुख भीम बहादुर थापाले उपलब्ध गराएको सेनिटाइजर र मास्क जिल्लामा रहेका सञ्चारगृह र पत्रकारहरुलाई महासंघले वितरण गरेको हो । थापाले पत्रकार महासंघलाई ७० थान हेण्डस सेनिटाइजर, १० थान केएन ९५ मास्क र ७ सय थान सर्जिकल मास्क उपलब्ध गराएका हुन् । कोरोना संक्रमणविरुद्धको समाचारमा अग्रपंक्तिमा रही फिल्डमा खटिएका पत्रकारहरुलाई स्वास्थ्य सुरक्षाका लागि सहयोग उपलब्ध गराइएको नगर प्रमुख थापाले बताए ।

दुई चरणमा उपलब्ध गराइएको मास्क र सेनिटाइजर हाल सञ्चालनमा रहका ६ रेडियो र १ टेलिभिजनसहित पत्रकारहरुलाई उपलब्ध गराइएको महासंघका जिल्ला अध्यक्ष हरि शर्माले जानकारी दिए । हरेक सञ्चारगृहलाई ५० थान मास्कका दरले वितरण गरिएको छ । त्यसैगरी पत्रकारहरुलाई दामासाहीका दरले मास्क र सेनिटाइजर उपलब्ध गराइएको अध्यक्ष शर्माले बताए । महासंघमा आवद्ध भएका सदस्य र अन्य पत्रकार गरी जिल्लामा ८० बढी पत्रकार छन् ।

Related articles

विदेश अध्ययनमा कडाइ, यस्तो भयो निर्णय

काठमाडौ,३० जेठ । सरकारले विदेशमा अध्ययन गर्न जाने विद्यार्थीलाई कडाइ गरेको छ । शिक्षा मन्त्रालयले एक वर्षभन्दा कम अवधिको कोर्स अध्ययन गर्न जाने विद्यार्थीलाई अध्ययन अनुमतिपत्र (नोअब्जेक्सन लेटर–एनओसी) नदिने निर्णय गरेको छ ।  निर्णय कार्यान्वयन गर्न बुधबार सम्बन्धित शाखामा पत्राचार गरिएको मन्त्रालयको वैदेशिक अध्ययन अनुमति शाखाका उपसचिव महेश्वर शर्माले जानकारी दिए । उनका अनुसार डिप्लोमा तहको […]

नवलपरासीमा प्रहरीद्वारा दुईवटा ट्रक सहित १२१ वटा खसिबोका बरामद

परासी, ७ असोज। जिल्ल प्रहरी कार्यालय पश्चिम नवलपरासीले गएराती करिब १२ लाख मुल्य बराबरको खशी बोका बरामद गरेको छ। ब्यपारीले जिल्लाको विभिन्न नाकाबाट भन्सार छली नेपाल भित्राउदै गरेको अवस्थामा प्रहरीले दुईवटा ट्रक सहित कुल १२१ वटा खशिबोका बरामद गरि आवश्यक कार्वाहीका लागि महेसपुर भन्सार कार्यालय पठाएको छ। जिल्ला प्रहरी कार्यालयका अनुसार इलाका प्रहरी कार्यालयबाट गस्तीमा […]

Leave a Reply

Your email address will not be published. Required fields are marked *