परासी, ११ असार । पश्चिम नवलपरासीको सुनवल नगरपालिकाले मृत्यु संस्कारका लागि पाँच हजार रुपैयाँ दिने निर्णय गरेको छ ।नगरपालिकाको मंगलबार सम्पन्न पाँचौं नगरसभा बैठकको नीति तथा कार्यक्रममा उक्त कुरा समेटिएको छ । त्यसका लागि वार्षिक १५ लाख रुपैयाँ बजेट विनियोजन गरिएको नगरप्रमुख भीमबहादुर थापाले बताए ।
३५ दिनभित्र मृत्यु दर्ता गराउने परिवारका सदस्यलेमात्र उक्त रकम पाउनेछन् । प्रतिमृतकवापत परिवारका सदस्यले सो रकम पाउने हुन् ।विपन्न वर्गहरुका लागि लक्षित गरेर रकम विनियोजन गरिएपनि नगर क्षेत्रमा मृत्यु हुने सबैका लागि यो नियम लागू हुने नगरप्रमुख थापाले बताए । यो निर्णयले अतिविपन्न वर्गका परिवारलाई प्रत्यक्ष सहयोग पुग्ने नगरपालिकाले विश्वास लिएको छ । कसैले रकम लिन नचाहेमा उक्त रकम कोषमै रहनेछ ।
उक्त रकम मृत्यु हुने जुनसुकै उमेर समूहका परिवारका सदस्यलाई उपलब्ध गराइने जनाइएको छ ।नगरसभाले आर्थिक वर्ष २०७६/७७ का लागि कुल ९७ लाख २८ लाख बजेट विनियोजन गरेको छ । @इमेज खबर