नवलपुर, ७ पुष । नवलपरासी पूर्वको मध्यबिन्दु नगरपालिका–१५ छाहारी सामुदायिक वनको गडवार खोला नजिकै शनिबार चितुवा मृत फेला परेको छ ।डिभिजन वन कार्यालय नवलपरासी पूर्वका प्रमुख विजयराज सुवेदीका अनुसार मृत चितुवा करिब चार वर्षको पोथी चितुवा हो ।
वन हेरालुले मृत देखेर वन कार्यालय खबर गरेका थिए । के कारणले मृत्यु भएको हो भन्ने पोष्टमार्टमपछि मात्रै खुल्ने सुवेदीले जानकारी दिए । मृत चितुवालाई भर्खर डिभिजन वनमा ल्याइएको छ । पोष्टमार्टम गरेर कार्यालय परिसरमा नै गाडिने सुवेदीले बताएका छन् । (नारायणी अनलाइ)