कावासाेती, ३ पुष । नवलपुरको मध्यबिन्दुमा आज भएको सवारी दुर्घटनामा एक जनाको मृत्यु भएको छ । सोही दुर्घटनामा १६ जना घाइते भएका छन् । मध्यबिन्दु नगरपालिका–८ गढवार खोला नजिकै यात्रुबाहक बसले मोटरसाइकललाई ठक्कर दिँदा मोटरसाइकलमा सवार एक जनाको मृत्यु भएको हो । बसमा रहेका १६ घाइते मध्ये चार जनाको अबस्था गम्भीर रहेको छ ।
पूर्वबाट पश्चिम जाँदै गरेको ना ६ ख ९६७६ नम्बरको यात्रुबाहक बसले सोही दिशातर्फ जाँदै गरेको बा ५१ प ६९७३ नम्बरको मोटरसाइकललाई आज दिउँसो ठक्कर दिँदा मोटरसाइकलमा सवार मध्यबिन्दु–११ की चन्द्रकुमारी सोमै मगरको मृत्यु भएको जिल्ला प्रहरी कार्यालय नवलपुरले जनाएको छ ।
सोमैको उपचारका लागि अस्पताल ल्याउँदा चिकित्सकले मृत घोषणा गरेका थिए । घाइतेहरुको सामुदायिक स्मृति अस्पताल कावासोती डण्डामा उपचार भइरहेको छ । दुर्घटनामा परेका बस र मोटरसाइकल सडक छेउमा पल्टिएका थिए । (नारायणाी अनलाइन)