परासी, २३ असोज । रामग्राम मेयर कप जितेको बर्ष दिन वितिसक्दा पनि पुरस्कार नपाएको खेलाडीहरुले गुनासो गरेका छन् । गत आ.व.मा भएको रामग्राम मेयर कपका बिजेता खेलाडीहरुले घोषित पुरस्कार रकम नपाएपछि खेलाडीहरु रामग्राम नगरपालिकाका उप–मेयर रम्भा कुँवरलाई गुनासो गरेका हुन् ।
नगरपालिकाले गतबर्ष फुटबल खेललाई मेयर कपको रुपमा घोषणा गरि रामग्राम १२ पचगाँवा स्थित खेल मैदानमा साझा युवा क्लबले गराएको मेयर कपको १ लाखको पुरस्कार रासी अहिलेसम्म नपाएको बिजेत क्लबले गुनासो गरेको हो ।
मेयर कपको पुरस्कार रकम रामग्राम नगरपालिका र सम्बिन्धित वडाले ब्यहोर्ने गरि गराइएको थियो । मेयर कप खेलको उदद्दाटन र समापन नगरपालिकाका मेयर नरेन्द्र कुमार गुप्ताले गरे । खेल सकेको बर्ष दिन वित्न लाग्दा पनि पुरस्कार राशी बिजेता खेलाडी एवं क्लबले नपाएको क्लबका उपाध्यक्ष लक्ष्मण यादवले गुनासो गरे ।
खेलाइएको मेयर कप फुटवलको पुरस्कार राशी नगरपालिकाबाट भुक्तान भैसकेको छ तर बिजेता क्लबले नपाएको गुसो आएपछि आयोजक क्लब माथि शंका हुन थालेको उपमेयर कुँवरले बताईन् ।
यही नगरपालिकाले कबर्ड हलका लागि लाखौ रुपिया निकासा दिएको छ । कबर्ड हलमा ब्याडमिन्टल खेल्न प्रशासकिय अधिकृत देखी कर्मचारी र भिआई समेत जाने गरेका छन् ।
त्यसका लागि लाखौ लाख लगानी गर्ने नगरपालिका हामी युवाहरुको रुचीको खेत फुटवलका लागि घोषणा गरेको पुरस्कार रकम पनि दिन र दिलाउन नसकेको यादवले आरोप लगाए । निकासा भएको रकम पनि कस्ले खायो त्यसको पत्ता लगाउन पनि सकेको छैन् घाोषणा भएको रकम दिलाईदिनका लागि उनीहरुले उपमेयर कुवँरसंग आग्रह गरे ।