परासी, १ फागुन । नेपाल प्रहरी अतिरिक्त महानिरिक्षक पुजा सिंहले ४ वटा नवनिर्मित प्रहरी भवनको उद्दघाटन गर्नु भएको छ । जिल्ला प्रहरी कार्यालय पश्चिम नवलपरासीको परिसरमा ४ वटा नवनिर्मित भवनको एआईजी सिंहले शिलालेख अनवारण र रिबन काटेर समुदघाटन गर्दै शान्ती सुरक्षा चुस्तदुरुस्त बनाउन निर्देशन समेत दिनु भएको हो ।
एआइजी सिंहले सोमबार एक औपचारिक कार्यक्रम बिच सिनियर प्रहरी अधिकृत आवास भवन, कार्यालय प्रमुख निवास भवन, ब्यारेक तथा थुनुवा कक्ष भवनको उद्दघाटन गर्दै भवनको निरिक्षण समेत गर्नु भयो ।
कार्यक्रममा बोल्दै रामग्राम नगरपालिका नगर प्रमुख धनपत यादवले प्रहरी संग सहकार्य गरेर काम गर्न स्थानिय तह प्रतिवद्ध रहेको बताउनु भयो । लुम्बिनी प्रदेश प्रहरी कार्यालयका प्रहरी नायब महानिरीक्षक टेक प्रसाद राइले सिमा क्षेत्रबाट हुने अवैध क्रियाक्लाप तथा अपराधहरु न्युनिकरणमा प्रहरी सक्रिय भई लाग्न निर्देशन दिनु भयो ।
कार्यक्रममा नवलपरासीका प्रमुख जिल्ला अधिकारी, विश्व प्रकाश अर्याल, जिल्ला प्रहरी कार्यालय नवलपरासीका प्रहरी उपरीक्षक बिनोद सिलवाल लगायतले मन्तब्य राखेका थिए । साढे ४ करोडको लागतमा बनेका ति भवनहरुको सोमबार विधिवत रुपमा उद्दघाटन भयो ।